Ymweld
Mae Ynys Enlli yn agored o fis Mawrth hyd at fis Hydref. Mae'n bosib ymweld am y dydd neu aros am yr wythnos yn nhai yr Ymddiriedolaeth.
Ymweld am y dydd
Colin Evans, Mordaith LlÅ·n, sy'n gyfrifol am y tripiau dydd i Enlli. Maen nhw'n digwydd yn rheolaidd drwy'r tymor os yw'r tywydd yn caniatáu.
​
Fel arfer, cewch rhwng 3 a 4 awr ar yr ynys; digon o amser i ymweld â phrif nodweddion a thirnodau'r ynys a mwynhau paned yn y caffi.
​
Mae Enlli yn fferm, felly mi fydd gwartheg a defaid ger y tai a'r llwybrau.
​
Ni chaniateir cŵn.
​
Archebu gwyliau ar Enlli
Unwaith y byddwch wedi bod ar eich gwyliau cyntaf ar Enlli, mae'n debyg y byddwch eisiau dychwelyd dro ar ôl tro.
Mae nifer o dai ar gael ar gyfer llety gwyliau gyda phrisiau yn amrywio yn ôl maint y tÅ· a'r tymor.
Mae deg tÅ· hunan-ddarpar yn cael eu gosod gan yr Ymddiriedolaeth:
-
Tri ffermdy o faint sylweddol ar wahân
-
Tri ffermdy o faint sylweddol yn rhan o bâr
-
Tri beudy wedi eu newid yn llety
-
Un bwthyn croglofft traddodiadol gwyngalchog
​
Mae'r tai wedi eu cynnal mewn dull traddodiadol, felly nid oes golau trydan ynddynt. Mae gan bob tÅ· bopty a hob nwy.
​
Mae gan y rhan fwyaf o'r tai oergelloedd solar.
​
​Nid oes cae gwersylla na chyfleusterau gwersylla ar Ynys Enlli, mae llety ar gael mewn tai yn unig.
​
Am fwy o wybodaeth am archebu gwyliau ar Enlli cliciwch yma.
Hedfan Drôn
Nid yw Ymddiriedolaeth Ynys Enlli yn caniatáu hedfan 'dron' gan unigolion unman ar yr ynys. Am fwy o wybodaeth, neu os ydych yn chwilio am ganiatâd i hedfan drôn am reswm gwyddonol, monitor neu ganiatâd ffilmio ddarllenwch Bolisi Drôn Ymddiriedolaeth Ynys Enlli.